+24 °С
Зоръёслэн
Общество
16 Июне , 17:24
Медиа форумлэсь ужзэ республикаысь удмуртъёс но шӧдӥзы
2021-тӥ арын Гафури ёросын нырысьсэ Башкортостанысь журналистъёслэн форумзы ортчиз. Со кык нунал кыстӥськиз. Табере медиа форум арлы быдэ радъяське. Туэ со витетӥ ползэ луиз. Башкортостанысь журналистъёсты Уфаысь конгресс-холлын пумитазы. Отын трос пӧртэм ужпумъёсты эскеризы. Валтӥсь инты висъяськиз нимысьтыз военной операциен герӟаськем ужъёсты югдытонлы, журналистъёслэн уж дуразы туала технологиосты кутонлы.
Медиа форумлэсь ужзэ республикаысь удмуртъёс но шӧдӥзы
Нош вить ар талэсь азьвыл форум Башкортостанысь калыкъёслэн эшлыко кусыпъёссылы сӥземын вал. Соку бадӟым ужрадэ Башкортостанысь удмуртъёслэн национально-культурной центренызы кивалтӥсь Л. Л. Зидымаков но пыриськиз. Ӵапак соку Башкортостан Республикалэн тӧроез Радий Хабиров удмуртъёслэсь историяя но культурая центрзэс выльдонзы сярысь ивортӥз. Кылем арын Татышлы ёросысь Выль Татышлыын историяя но культурая центрзы быдэсак тупатэмзы бере ӧсъёссэ усьтӥз. Табере со интыысь культурая юртэн но библиотекаен ӵош быдэс республикаысь удмуртъёслэн лулчеберетъя центрзылы пӧрмиз.
