Гуртлэн праздникез шулдыр ортчиз

Празднике люкаськем калыкез пумитаса но ӟечкыласа вераськизы Бадӟым Гондыр территориальной ёзэтэн кивалтӥсь Т.М. Шарибзянова, Пермь шаерысь удмуртъёслэн национально-культурной центрзылэн тӧроез А.Ш. Туктагулова. Соос ик Кипчакысь арлыдоосты но али вордскем нылпиосты, ӵошен кема улӥсь семьяосты но али улон сюрес вылэ султэмъёсты кузьымъёсын но ӟеч сӥзёнъёсын пусйизы.

«Люблю тебя, моя деревня» Кипчак гуртлы сӥзем ужрад шулдыр удмурт гуръёсын котыр улосэз капчи мылкыдэн пыӵатӥз. Празднике вуэм калык пӧртэм шудонъёсын но конкурсъёсын кужымзэ мертаз. Та нуналэ нылпиос но бадӟымъёс но вакытсэс шулдыр но яркыт ортчытыны быгатӥзы.

Фото: Кипчакский сельский клуб