Фестиваль эшъяськон тугоколы пӧрмиз

Фестивале Пермь шаерысь удмуртъёслэн национально-культурной центрез но мылысь-кыдысь пыриськиз. Кылсярысь, Бадӟым Гондырысь «Тюрагай» но «Уӵыпиос» фольклорно-этнографической ансамбльёс «ЭтноМода» программаын асьсэды веръязы. Со сяна, В.М. Менликаев празднике люкаськем калыкаез кызьпу туйлэсь но инкуазь материалъёслэсь лэсьтэм ужъёсыныз тодматӥз. Нош Гожанысь «Пинал сюлэм» ансамбльлэн ёзчиосыз Л.Г. Шаяхметова но Н.Б. Марданова каиськонъя мастер-класс радъязы.

Та нуналэ сцена вылысен Куеда муниципал округын улӥсь пӧртэм калыкъёслэн гуръёссы чузъяськизы. Удмурт кырӟанъёс но фестивале вуэмъёсты яркыт сиосын пылатӥзы. «ЭтноЛето» фестиваль вань калыкъёсты эшъяськон тугокое огазеяз, котыр омырын ог-огдэ валаса но гажаса улон мылкыд поръяз но люкаськем калыкъёслы шумпотон но шудбур кузьмаз.

Фото: Большегондырский Дом Культуры. ОО «НКЦУ» ПК