Семьяос тунсыко шудонэ пыриськизы

Администрациысь егитъёслэн политиказыя ёзэт Движение первых огазеяськонэн ӵош, кылсярысь, семьяен шудонъёс радъяз. Со туж тунсыко ортчиз. Шудонэз радъянлэн валтӥсь мугез – семья кусыпъёсты юнматон. Конкурсэ Бальзюгаысь Садртдиновъёслэн семьязы но мыло-кыдо пыриськиз. Та нуналэ соос тазалыко улонэн эшъяськемзэс зол возьматӥзы. Садртдиновъёс мукет командаосын ӵош быдэс семьяенызы куасэн ветлӥзы, мешокен тэтчазы но мукет. Огъя йылпумъянъёс лэсьтэмзы бере тодмо луиз, Садртдиновъёс нырысетӥ интые потӥзы шуыса.