+16 °С
Облачно
Общество
10 Июня , 16:55
Воргоронэз пӧязы: машиназэ ӧз вуттэ, коньдонзэ басьтӥзы
Стерлитамакысь воргорон интернет пыр машина басьтыны малпам. Тулыспал толэзьысен со кунгож сьӧрысь машинаос сярысь ялонъёсты учкылэм.
Воргоронэз пӧязы: машиназэ ӧз вуттэ, коньдонзэ басьтӥзы
Ӝоген солы тодмотэм адями жингыртэм, ассэ автосалонысь менеджер шуэм. Со кунгож сьӧрысь машина вуттонэн юрттыны оскытэм.
Собере воргорон «менеджерен» мессенджеръёс пыр вераськылэм. Со туспуктэмъёс пыр вуоно машиназэ быръем, банк реквизитъёс басьтэм, машиназэ басьтыны ужкагазъёс улэ гожтӥськем, 1,5 миллион манет коньдонзэ выжтэм.
Машиназэ пиосмуртлы дыраз вуттӥллямтэ, пӧечи менеджерез воксё ышем. Пиосмурт соку гинэ валам, тодмотэм адями сое пӧяз шуыса. Со полицие вазиськиз.
Туспуктэм: ИИ
