"Ошмес" газетэн эшъяське, солы азинсконъёс сӥзе

Таиз арысь нырысетӥ паларын Пермь шаерысь Куеда округысь удмурт гуртъёсы со куамын ньыль экземплярен вуэ. Нош тужгес трос лыдӟисьёсмы - Кирга гуртын. Отчы со дас куинь семьяе вуэ.

Елена Юртбаева «Ошмес» газетэн кема аръёс ӵоже ни кусып возе, сое шумпотыса возьма. «Газетэн потыны кутскемез дырысен эшъяськисько, - вера Елена Муллахматовна. – Отысь веросъёссэ, удмурт калыкмы, пӧртэм ужрадъёс сярысь гожтэмъёсты лыдӟыны яратӥсько, ӟечкыланъёсты учкисько. Шумпотӥсько, куке газет бамъёсысь тодмоосме, улосчиосме «пумитасько». 

(Быдэс материалэз газетлэн 21-тӥ номерысьтыз лыдӟыны быгатоды). 

Тодады вайытӥськом: Россиысь почта 1-11-тӥ инвожое газет-журналъёслы гожтӥськон декада ялэ. Та вакытэ дунъёс уськытэмын. Дыртэ «Ошмес» газетлы гожтӥськыны. Дуныз 593 манет но 58 коньы. Толэзьлы быдэ «Ошмес» газетлы куинь амалэн гожтӥськыны луэ: почта, rbsmi.ru сайт но редакция пыр. Гожтӥськон йылпумъяськем бере кузьымъёс шудытом.