Гожанъёс Инмарлы вазиськизы

Удмурт калык вашкала дырысен инкуазен огинэ луыса улӥз. Соин, лэся, шуг-секытъёсты вормыны, шонер сюрес шедьтыны курыса калыкмы кырын Инмарлы вазиськиз.

Пермь шаерысь Гожан гуртын удмурт сям-йылолъёс юн возисько. Татысь калык песяй-песятайёссылэсь лыктэм тодон-валанъёссэс сӥлы каро. Кылсярысь, гуртоос арлы быдэ Куриськон ужрадэз радъяло. Туэ но соос ӵошен Инмарлы вазиськыны люкаськизы. Котькуд ар сямен ик али но гожанъёс «вылӥ кужымлэсь» мерттэм будосъёслэсь ӟеч емышсэс, дунне вылын ожъёстэк тупаса улон курыса кырын Инмарлы вӧсяськизы.

Гожанский сельский клуб