"Марӟан" ансамбль "Тус-пус" фольклор фестивале пыриськиз

Соосты Удмурт Элькунысь Шаркан ёросысь Порозово гуртын пумитазы. Отын удмурт калыклэн сям-йылолъёсызлы сӥзем "Тус-пус" фестиваль ортчиз. Туэ со ньылетӥ ползэ радъяськиз. Отчы Шаркан ёросысь, Татышлы ёросысь но Воткинскысь ансамбльёс пыриськизы. Соос учкисьёслы калык кырӟанъёссэс кузьмазы, сям-йылолъёссэс возьматӥзы. «Марӟан» ансамбль фестивальысь «Хранители традиций» номинациысь дипломен бертӥз.