"Корт валэн" ворттылон шудон уж ӧвӧл

Калтасы ёросысь Госавтоинспециялэн малпамезъя, гужем каникулъёс нылпиослы гинэ шумпотымон луо. Нош сюрес вылын ветлонлэсь радлыксэ утисьёслы шутэтскон нуналъёс трос шуг-секытъёс ваё. Угось мотоциклэн но электросамокатэн секыт югдуре шедемъёс сярысь нуналысь нуналэ тросгес иворъёс вуо. Соин сэрен Калтасы ёросысь Госавтоинспекциын но  Быдэ вуымтэосын ужанъя коммисиын тыршисьёс «Не рули, малай!» операция улсын ёросысь нылпиосын нимысьтыз вераськон ужрадъёс ортчытӥзы. Озьы операциез радъясьёс пиналъёслы сюрес вылын «корт валэн» сэрен герӟаськем кышкытлыкъёс сярысь валэктӥзы. Угось 16 ареслэсь пичи нылпи «М» категория кулэ карись транспортэн кузёяськыны уг быгаты. Со сяна, операция улсын анай-атайёсын но вераськонъёс ортчизы. Мототехника пиналлэсь улонзэ пыраклы чигыны быгатэ, соин нылпилы со выллем кузьым каремлэсь азьвыл малпаськыны кулэ.

Фото: газета «Калтасинская заря»