Башкириын койыкъёслэн, косуляослэн но кионъёслэн лыдзы йылэм

Со пӧйшуръёслэн арысь аре йылэменызы герӟаськемын меда? Башкортостанысь Экологияя но инкуазь ваньбурен пайдаяськонъя министерствоын ивортэмезъя, республикаын пӧйшуръёслэн лыдзы йылэм. Алигес пӧйшуръёсты, тылобурдоослы лыдъян-чотанлы йылпумъянъёс лэсьтӥзы.

- Берлось дас ар ӵоже пӧйшуръёслэн лыдзы трослы будӥз, - вера регионысь экологияя министр Нияз Фазылов. – Койыкъёслэн лыдзы 22,5 сюрс вал, али – 36,5 сюрс. Сибирской косуляослэн лыдзы 21 сюрслэсь 37 сюрслы вуэм, лудкечъёслэн – 9500-лэсь 24 сюрсозь, кионъёслэн – 468-сысен 870-озь. Республикаын гондыръёс трос – 2733, бобръёс – 17 сюрс. Нош кырпарсьёслэн лыдзы кулэсмиз: 8700-лэсь 2200 кылемын.  

Фото: пресс-служба | минэкологии Башкирии