+24 °С
Зоръёслэн
Общество
4 Июне , 06:20
Лыдӟисьёсты библиотекаын котьку витё
Пермь шаерысь Куеда округысь Гожан гуртысь клублэн юртэз вуж вал. Калык шутэтскон интызы пумысен трос ӝожтӥськиз. Табере та ужпум быдэсак палэнтэмын: гуртысь нылпи садын тупатон ужъёс лэсьтыса, клубез отчы интыязы. Нош нылпи сад гуртысь школа борды кариськиз. Клублэн юртаз ик интыяськемын библиотека. Отын 2023-тӥ арысь толсур толэзьысен Венера Садиокова ужа.
Лыдӟисьёсты библиотекаын котьку витё
Венера Тимирьяновналэн уж сюресэз дышетонэн герӟаськемын вылэм. Со 37 арлэсь ятыр школаын дышетэм ке но, та ужез ӵектэмзы бере, библиотекае вамыштэм. «Уже туж кельше. Зэм, берло дыре лыдӟисьёс трос ӧвӧл, но пӧлазы арлыдоос но, бадӟымъёс но, пиналъёс но вань. Соос татчы книга басьтыны гинэ уг лыкто, татын пумиськыло, кенешо, выль иворъёсты тодо. «Ошмес» газетэз лыдӟыны лыктӥсьёс но вань. Дугдытэк лыдӟиськисьёс дас кузя. Соослы книгаос Куедаысь ваисько. Тодӥсько ни, кинлы кыӵе книга кельшоз, - вера Венера Тимирьяновна. – Нылпиос понна ужрадъёс ортчытъяны туж кельше. Нылпи садысь пичильтокъёс но библиотекае шумпотыса вуо».
Библиотекарь книгаосын гинэ уг выры, со клубын ортчылӥсь ужрадъёсты дасяны, радъяны но юрттэ. Калыкез библиотекае кыскон вылысь, Венера Тимирьяновна выль амалъёс утча. Библиотекаын тематической но писательёслы сӥзем ӝытъёс, произведениосъя викторинаос, мастер-классъёс ортчо. Со сяна, библиотекарь конкурсъёсы, ёросазы ортчись ужрадъёсы пыриське.
(Быдэсак лыдӟе газетлэн 22-тӥ номерысьтыз).
