+28 °С
Облачно
Общество
4 Июня , 04:34
Библиотекаын тунсыко мастер-класс ортчиз
Янаулысь Шудек гуртысь модельной библиотекаын «Мы — закамские удмурты!» проект быдэстӥське. Со понна библиотека грант утӥз. Соин та вакытэ отын трос пӧртэм ужрадъёс ортчыло. Бадӟым саклык висъяське нылпиосты анай кылзэс гажаны дышетонлы.
Библиотекаын тунсыко мастер-класс ортчиз
Куинетӥ инвожое, кылсярысь,библиотекаын «Италмас» брошь лэсьтыны дышетонлы сӥзем мастер-класс ортчиз. Сое библиотекарь Людмила Садыкова нуиз. Нылпиос киужзэс дасякузы буёлъёсты, лыдпусъёсты удмурт кылын тодазы ваизы. Мастер-классын школаысьтызы удмурт кылъя дышетӥсьсы И. Г. Минликаева но луиз уго.
Мастер-класс туж тунсыко ортчиз. Нылпиос тужгес шумпотӥзы, асьсэ киосынызы быдэстэм чебер кижъёссэс адӟыса. «Азьланяз трос та выллем ужрадъёс ортчозы на, - вера библиотекарь. – Отчы нылпиос гинэ ӧвӧл, бадӟымъёс но шумпотыса пыриськозы шуыса малпасько. Анай кылмылэн вуоноез – асьме киосамы».
