+20 °С
Дождь
Общество
3 Июня , 17:39
Ожгарчиез медален пусйизы
Калтасы ёросысь Бадӟым Качак гуртысь «Паркут» позывнойен ожгарчи нимысьтыз военной операцие аслаз мылкыд каременыз кошкиз. Туннэ нуналэ пиосмуртлэн ож бусыын ортчем сюресэз сярысь солэн медальёсыз верало.
Ожгарчиез медален пусйизы
«Паркут» 2023-тӥ арысен санитарной ротаын тушмонлы пумит мынэ. Куинь ар ӵоже ожгарчилы трос секытсэ ортчоно луиз. Нош сое ноку но кышкытлыкъёс ӧз дугдытэ: ас калыкез, вордскем шаерез но эшъёсыз понна пиосмурт кышкатэк вормон доры вамыштэ.
Солэсь ож бусыын ассэ кышкасьтэм воземзэ но котьку юрттэт возьматыны тыршемзэ кивалтэтэз адӟытэк уг улы. Соин, лэся, пиосмуртлэн медальёсыз но ӧжыт ӧвӧл. Нош та нуналъёсы «Паркут» позывнойен ожгарчиез Росси Федерациысь Обороная министерстволэн «За воинскую доблесть» кыкетӥ степенё медален пусйизы.
