+13 °С
Облачно
Общество
3 Июня , 03:55
Ортчемез сярысь малпаськыса, туннэ нуналлы шумпотыса улэ
Журналистлэн ужез сыӵе: кинэн гинэ ум тодматскиське. Куд-огез пумиськон кемалы тодэ кыльымон луэ. Кузь улон сюресэз ортчем адямиослэн веранзы трос.
Ортчемез сярысь малпаськыса, туннэ нуналлы шумпотыса улэ
Пермь шаерысь Куеда округысь Кирга гуртысь Валентина Шамадановалы инвожо толэзе 97 арес тырме. Арлыдо песянай улон сюресэз сярысь кема мадьыны быгатэ. солы трос секытлыкъёсты пыр потоно луэм. «Быдӟым Атыкай ож кутскыку мыным 12 арес вал. Пичи дыры но, егит дыры но секыт луиз, ужаса сиёно луиз. Дырыз сыӵе вал: анай-атайлэсь возьмаса ӧм пуке, секытлыкез адӟыса будӥм, - вера В. Шамарданова. - Тау шуисько туннэ нуналлы, нылпиосы вӧзын, шуныт коркан, ческыт сиён сиыса улӥсько».
Валентина Николаевна бусы ужъёслэсь шӧмзэс пичиысен валам. "Семьяямы ми вить нылпи будӥм. Анай сьӧры бусые ужаны ветлӥськом вал. Киын арам, культо керттӥм. Дӥськут, пыдкутчан ӧй вал", - ортчемзэ тодаз вайыса, синкыли пыр вера песянай.
Арлыдо песнай вордскем Кирга гуртаз ик выжы лэзем. Туннэ Валентина песянай Александр пиеныз но Лида кенэныз ӵош улэ.
(Быдэсак лыдӟе газетлэн 20-тӥ номерысьтыз).
