Лыдпусъёсын герӟаськем уж сюресын - 40 ар

Удысын – 40 ар

Кин луоно? Та юан школаын дышетскись котькуд пиналэз сюлмаськытэ. Нош Янаул ёросысь Каймашабаш гуртын вордскыса будэм Ольга Тимергалиевна пичиысен тодэм, быръем удысэз лыдпусъёсын герӟаськемын луоз шуыса. Солы математикая урокъёс капчиен сётскиллям угось. Янаулысь куинетӥ номеро школаез йылпумъяса, со Сигаевоысь сельхозтехникумын бухгалтерлы дышетскем.

- Математикаен дышетӥсьмы Язиля Ахмаевна Идиятуллина Бирскысь педиститутэ физикая но математикая факультетэ дышетскыны пырыны ӵектэ вал. Мынам дышетӥсь луэме ӧз поты, сельхозтехникуме дышетскыны мынӥ, - вера О. Тимирова. – Уж сюресэ вордскем гуртам, «Волга» колхозысен, кутскиз.

Бӧрысь Ольга Тимергалиевналэн уж сюресэз «Колхоз Восток» СПК-лэн бухгалтериеныз герӟаськем. Берлось куать арзэ валтӥсь бухгалтерын тырше. Та ужаз со хозяйствоен кивалтӥсьсэс Олег Зайнуллинэз воштӥз.

- Ужын пӧртэм дыръёс луо, куд-ог дыръя валантэмъёс кылдо ке, Олег Валихановичлы вазиськисько, со валэктэ, юрттэ, - вера валтӥсь бухгалтер.

Ольга Тимиргалиевналэн вӧзаз – кужмо командаез. «Кадръёсъя ёзэтысь инспектор Анжелина Багаутдинова, пудо утёнъя бухгалтер Лидия Насибуллина, растениеводствоя бухгалтер Анастасия Гараева, расчётной счётъёсъя бухгалтер Оля Минниахметова ужзэс ӟеч тодо. Ми валче ужаськом», - шуэ О. Тимирова.

40 ар ӵоже ужатозяз, Ольга Тимергалиевна уж дураз пӧртэм воштӥськонъёсты адӟем. Кылсярысь, солы ньыль кивалтӥсен ужано луэм.

(Быдэсак лыдӟе газетлэн 8-тӥ оштолэзе потэм номерысьтыз).