Шудекъёс акцие пыриськизы

Янаул ёросысь Шудек гуртысь библиотекаын но культура юртын ужасьёс та нуналэ «Обменяй сигарету на конфету» акция радъязы. Соос гуртооссылы тамак кысконэн герӟаськем висёнъёс сярысь мадизы. Со сяна, мылкыд карисьёс тамаксэс ческыт макелы воштыны быгатӥзы. Та нуналэ котькудӥз «Одна затяжка — и это у вас в лёгких. Подумайте!» буклет басьтӥз. Оло акция кинэ ке тамак кысконэн сэрен кылдэм висёнъёслэсь утёз, кинлэсь ке улонзэ кузьгес но шудогес кароз.

Фото: Шудекская сельская модельная библиотека