Нылпи серекъям куара дуннеез эшшо но яркытгес кариз

Нылпиосты утён нунал азьын Татышлы ёросысь Вязовкаысь культура юртын но библиотекаын ужасьёс гуртысьтызы нылпиос понна «Пусть детство будет счастливым!» шудон программа ортчытӥзы.

Ужрад зэмос нылпи праздниклы пӧрмиз. Пиналъёс «Скачки на игрушечных конях», «Кто быстрее», «Передай мячик», «Соревнования с обручами», «Лапти» конкурсъёсын вань быгатонлыкъёссэс мылысь-кыдысь возьматӥзы. Та нуналэ омыр шудбурен но шулдыр нылпи серекъям куараен тырмемын вал. Ужрадэ пыриськисьёслэн шумпотонэн чилясь синъёссы та дуннеез эшшо но чебергес но яркытгес каризы.

Фото: Вязовская Сельская-Библиотека