Кыӵе ӝутӥсез – сыӵе ик юртэз

Калтасы ёросысь Бадӟым Качак гуртысь Елена но Алексей Вагаповъёслэн семьязы туннэ нуналэ котькудӥзлы синмаськымон но адӟымон луэ. Кузпалъёс огӵошен, ваче ки кутскыса, секытъёслы но сильтӧлъёслы сётскытэк кызь арлэсь кема шудо дуннезэс утё. Соослэн куинь мусо нылпиоссы анай-атайзылы шумпотон но азьпал улонлы оскон сётӥсьёссы луо.

Елена но Алексей кыкназы ик Бадӟым Качакысь шор ёзо школаез йылпумъязы. Гуртысьтызы дышетсконзэс йылпумъяса, Бирскын тодон-валан басьтон сюрессэс азинтӥзы. Алексей дышетӥсьёсты дасянъя институтын физико-математической факультетэз йылпумъяз, нош Елена кооперативной техникумын тодон-валан басьтӥз.

- Школаын дышетскыкумы ог-огмес ӧм ик тодэ кадь. Мон дас одӥгетӥ классэз йылпумъяку, Алёша институтысь ньылетӥ курссэ быдтӥз, - тодаз вае Елена Вагапова.

Кык егитъёс гуртазы Гырон быдтон шулдыръяськонын пумиськизы. Со дырысен соослэн улон сюрессы одӥг ӧртӥ кошкиз. Алексей Фёдорович егит ӧнерчи луыса аслаз дышетскем школаяз берытскиз. Отын ньыль ар ӵоже физикая, астрономияя, технологияя урокъёсты нуиз.

Егит пиосмурт семья кылдытон сярысь но малпаськытэк ӧз улы. Ӝоген яратоно адямизэ кузпалэн нимаз. Егитъёс шулдыр сюанзэс 2004-тӥ арысь 13-тӥ гудырикошконэ шудӥзы.

Кылемзэ лыдӟе газетмылэн 2026-тӥ арлэн 11-тӥ номерысьтыз.