Гуртысь клубын мастер-класс ортчиз

Вашкала дырысен удмурт нылкышнолэн  дӥськутэз чеберлыкеныз висъяськиз. Нош азвесь коньыослэсь лэсьтэм чеберъяськонъёс котьку но синмаськымон луизы. Мамадыысь культорганизатор Л.В. Атнафикова мастер-классын удмурт кышномуртлэсь пуш дуннезэ паськыт возьматыны малпаз. Угось котькуд чеберъяськон ас бордаз нылкышнолэсь мылкыдзэ нуллӥз. Озьы ужрадэ люкаськемъёс йыркотыр (налобник) лэсьтон ужлэн радлыкеныз тодматскизы. Со сяна, асьсэос но та выллем кышномурт чеберъяськонэз тупатыны выризы. Ужъёссы аспӧртэмлыко но синмаськымон пӧрмизы. Табере мастер-классэ вуэм нылъёс асьсэкиынызы лэсьтэм йыркотыренызы ушъяськыны быгатозы.

Фото: Мамадинский сельский клуб Бураевского района