+16 °С
Облачно
Общество
22 Мая , 17:11
«Семья года» конкурслы йылпумъянъёс лэсьтӥзы
Башкортостанын «Семья года» Быдэсросси конкурслэн республика этапезлы йылпумъянъёс лэсьтӥзы. Вормисьёсты сизьым номинацияя данъязы. Башкортостанысь Семьяя, ужъя но калыкез улонын утёнъя министерстволэн ивортэмезъя, котькудӥз семья синмаськымон луэ.
«Семья года» конкурслы йылпумъянъёс лэсьтӥзы
«Зарни семья» номинациын, кылсярысь, Давлекан ёросысь Хайбуллинъёслэн семьязы вормисе потӥз. Соос 49 ар ӵоже артэ вамышто но куинь нылпизэс будэто. Атайзы – тодмо нейрохирург, анайзы – врач-терапевт, нылъёссы но уж сюрессэс та удысэн герӟазы. Семьяязы тямыс внукъёссы будо. Соос анайзылэсь, ӵужай-ӵужатайзылэсь удыссэс бырйыны мылкыд каро.
Гуртысь семьяос пӧлын Киги ёросысь Рахматуллинъёслэн семьязы вормиз. Соос – куинь нылпиослэн анай-атайзы. «Семья защитника Отечества» номинациын Давлекан ёросысь Шабалинъёс вормизы. Соослэн бадӟымез Данил пизы нимысьтыз военной операциын быриз.
Берло аръёсы конкурсын Уфаысь, Зианчура, Учалы, Татышлы, Нуриман, Салават, Благовар, Стерлитамак ёросъёсысь семьяос вормисьёс пӧлын луизы.
Фото: Хайбуллинъёслэн семьязы | фестивальлэн оргкомитетэз