+16 °С
Облачно
Общество
22 Мая , 09:25
Гуртозылэсь нимзэ ноку уз вунэтэ
Нимысьтыз военной операцие пыриськисьёслы, соослэн матысьёссылы юрттэт возьматонлы, шаермес утёнын бырем улосчиосты буре ваёнлы сӥзем ужрадъёс радъянлы Башкортостанын трос саклык висъяське. Вордскем музъеммы понна улонзэс сётэм ожгарчиослэн нимъёссы котьку калык пӧлын уло.
Гуртозылэсь нимзэ ноку уз вунэтэ
Янаул ёросысь Вылысь Барабановкаысь Владислав Марданов мобилизация улсын 2022-тӥ арын куарусён толэзе шаермес утисьёслэн радазы султӥз. Нимысьтыз военной операциын со ассэ кышкасьтэмен возьматӥз, кылкутӥсь луэменыз висъяськиз. Сое «За воинскую доблесть» медален, Мужествоя орденэн пусйизы. Жаляса верано, 2024-тӥ арын 19-тӥ оштолэзе ожгарчилэн улонэз чигиз. Сое гуртоосыз уг вунэто: укмысэтӥ куартолэзе Вылысь Барабановкаын Владислав Валерьевичлы буре ваён пул усьтӥзы. Ужрадэ Максим гурт поселениен кивалтӥсь А. А. Хузин пыриськиз. Со шаермес утисьёслэн радазы сылӥсьёслы, оскымон пиос будэтэм анай-атайёслы тау кылъёс вераз. Буре ваён пул усьтонэз радъяны трос кужымзэс понэмзы понна С. В. Мардановез, Л. Х. Магдановаез, Д. Г. Мингазиеваез тау карон гожтэтъёсын пусйиз.
Ужрад трос калыкез огазеяз. Отчы лыктэм адями котькудӥз ӟеч вала: туннэ ож лудын оскымон ожгарчиос луэмен, ми шыпыт кӧлӥськом, улонмес азьланьтӥськом.
Фото: Совет СП Максимовский сельсовет