+16 °С
Облачно
Общество
22 Мая , 17:38
Фестивальын вормисе потӥз
Туннэ, 22-тӥ куартолэзе, Калтасыын «Песни народов Башкортостана» кырӟанъя фестиваль ортчиз. Ёросысь школаосын дышетскись нылпиос пӧлын радъяськись крезьгур ужрад Россиысь калыкъёслэн огъя луон арзылы сӥземын вал.
Та нуналэ сцена вылысен нылпиослэн ансамбльёссы но оген кырӟасьёс учкисьёслы бигер, ӟуч, пор но удмурт кылын кырӟанъёссэс кузьмазы. Анай кылзэс, вордскем шаерзэс данъясь крезьгуръёс я шумпотон, я куректон мылкыдэн тырмемын вал. Угось тросэз кырӟанъёс нимысьтыз военной операциен герӟаськем югдурез син азе пуктыны юрттӥзы.
Удмурт кырӟанэз Бадӟым Качакысь Тимур Ильбаев быдэстӥз. Фестивальын Краснохолмскийысь кыкетӥ номеро школаысь куинетӥ классын дышетскись пияш аслаз аресъёсыз пӧлын нырысетӥ интылы кузё луиз.