Школаын дышетскисьёс республика конкурсэ пыриськизы

Конкурсэз МВД-лэн Башкортостан Республикая Госавтоинспекциез, Башкортостанысь дышетонъя министерство радъязы. Отчы ёросъёсысь «ЮИД» огазеяськонэ пыриськись 10-12 аресъем нылъёс но пиос вуизы: ӵошатсконын ваньзэ 228 пинал кужымзэ мертаз. Соос куинь нунал ӵоже куать пӧртэм эскеронъёсты ортчизы: ПДД-я экзамен сётӥзы, нырысетӥ ӝог эмъюрттэт возьматонъя тест ужазы, автогородокын велосипедэн ветлыны быгатэмзэс возьматӥзы, велосипедэн но самокатэн пӧртэм амалэн ветлыны быгатэмзэс адӟытӥзы, сюрес вылын кышкытлыкъёслэсь утиськонъя задачаосты командаен ужазы, творческой быгатонлыкъёссэс возьматӥзы.

Конкурсэ котькуд команда ӟеч дасяськиз. Пиналъёс усто быгатонлыксэс возьматӥзы. Балтач ёрослэн командаез, кылсярысь,ӵошатсконысь 5-тӥ интыен бертӥз.

Фото: МКУ "Отдел образования" Балтачевского района