Выль Татышлыын «Шудо семья» конкурс ортчиз

Со Семьялэн калыккуспо нуналэз, Бадӟым но эшлыко семьялэн арез улсын радъяськиз. Отчы Выль Татышлыысь трос нылпиен удмурт семьяос пыриськизы. Культура юртын, удмуртъёслэн историяя но культурая центразы ужасьёс соослы пӧртэм конкурсъёс дасяллям. Семьяос тунсыкъяськонъёссы сярысь веразы, пӧртэм юанъёслы валэктонъёс сётӥзы. Нылпиоссы но конкурсэ мыло-кыдо пыриськизы.

Конкурсын Низамовъёслэн семьязы вормисе потӥз. Кыкетӥ интыын луизы Бадртдиновъёс, куинетӥын – Гилимзяновъёс.