Нылпиос бордын семьялэн кужымез

2008-тӥ арын Янаул ёросысь Шудек гурт выль семьялы узырмиз. Татысь Денис Шакиров сюан шудӥз. Кузпаллы со Бурай ёросысь Алтауысь вуоно дышетӥсез Валентина Николаевнаез бырйиз.
- Ог-огмес телефон пыр шедьтӥм, - вера нылпи садысь визьнодась Валентина Николаевна. – Денисэн ар но ӝыны телефон пыр кусып возим. Ӵошен дас тямыс ар улӥськом ни.
Валентина Николаевна школа пыр потэмез бере улон сюрессэ дышетон удысэн герӟаны малпаз. Со Бирскын вылӥ тодон-валан басьтӥз, биологияя но химияя дышетӥсь луиз. Нош солэн улоназ озьы пӧрмиз: вить ар талэсь азьвыл Валентина Николаевна нылпи садэ ужаны вамыштӥз но сюлмыныз пичильтокъёс борды биниськиз. Та вакытэ со Шудекысь «Италмас» микрорайонысь нылпи садын тырше. «17-тӥ куартолэзе нылпи садэз усьтэмзы дырысен вить ар тырмоз», - вера со. Валентина Шакирова суредаськыны яратэ. Солэн ки улаз краскаен, карандашен быдэстэм ужъёсыз чебер пӧрмо. Быгатонлыксэ со нылпиослы выжтон сярысь но сюлмаське. Соос ӵошен тунсыко суредъёс суредало, буяло. Суредаськыны ярато солэн Ксения но Элиза нылъёсыз но. 

(Быдэс материалэз газетлэн 2026-тӥ арысь 19-тӥ номерысьтыз лыдӟыны быгатоды).