Бадӟым сюрес шудон уж ӧвӧл

Шутэтскон нуналъёс пайдаен но шудо-буро мед ортчозы шуон понна анай-атайёслы но дышетскисьёслы азьпалтӥ дасяськыны кулэ. Соин  та нуналъёсы школаосын вераськонъёс мыно, инструктажъёс ортчо.

Та ужын тужгес бадӟым саклык висъяське сюрес вылын астэ тодыса возёнлы. Угось гужем нылпиос велосипедэн, самокатэн, куддыр мотоциклэн но вортылыны ярато. Нош сюрес вылтӥ мынон-ветлон куронъёсты пиналъёс ӧз тодэ ке, кышкыт учыре шедьыны кема ӧвӧл.

Янаул ёросысь Сандугач школаын анай-атайёсын пумиськонын но полициысь капитан О.В. Баиров сюрес вылысь шуг-секытъёсын герӟаськем юанъёслы саклык висъяз. Солэн кылъёсызъя, бадӟым сюрес шудон уж ӧвӧл, солэсь куронлыкъёссэ тодыса но валаса улыны кулэ.

Фото: МБОУ СОШ с. Сандугач Янаульского района