Ожгарчиез буре вайыса

Быдӟым Атыкай ож вакытэ вордскем музъеммы понна нюръяськем песятай-ӵужатайёслэсь сюрессэс туннэ егит пиос нимысьтыз военной операциын азьланьто. Вормон Нунал азьын Кизганбашын митинг ортчиз. Отын ож лудын быремъёсты буре ваизы, нимысьтыз военной операциын бырем гуртозылы Артур Арменшинлы мемориал пул усьтӥзы. Ужрадэ Балтач ёрос администрациен кивалтӥсьлэн воштӥсез Вадим Галиакберов, ёрос Кенешлэн депутатэз Дамир Хаматов, Выль Карыш гурт поселениен кивалтӥсь Ильяс Шаймухаметов, гурт калык, ожгарчилэн матысьёсыз пыриськизы. Буре ваён пул Быдӟым Атыкай ожын быремъёслы сӥзем синпелет вӧзы интыяськемын.

- Шаермы понна кышкыт дыр вуыку, оскымон улосчиосмы султӥзы сое тушмонлэсь утьыны. Соос валазы: соос ке ӧз, кин? Соослэн подвигзы асьмелэн сюлэмъёсамы котьку мед улоз, нылпиосмылы но внукъёсмылы но дано улосчиосмы сярысь верано, тодыса мед будозы, – вераз гурт поселениен кивалтӥсь. - Асьмеос вунэтыны кулэ ӧвӧл соосты, кин ас улонзэ асьмелэн эрикмы понна сётӥз, та ужрад асьмелы соосты тодамы возьыны юрттоз.

Ужрадэ лыктэмъёс обелиск, мемориал пулъёс вӧзы сяськаос понӥзы, улосчиоссэс буре вайыса, минут ӵоже чус улӥзы.

Фото: АСП Нижнекарышевский сельсовет