Гуртысь библиотекаын тунсыко пумиськон ортчиз

Библиотекарь Ольга Тимиртдинова гуртысьтызы егитъёсты библиотекаысь музей сэреген тодматӥз. Удмурт шӧмен но лулчеберетэн пыӵам сэрег калыкмылэсь вашкала дырысен туннэ нуналозь ортчем сюрессэ умой возьматэ. Отысь удмурт йӧскалык дӥськутъёсты, юрт котырын но ужын кутӥськись тӥрлыкъёсты, кышномурт чеберъяськонъёсты но мукет арбериосты адӟыны луоз. Ужрадэ вуэмъёс мылысь-кыдысь кылзӥськизы библиотекарьлэсь верамзэ, солы трос юанъёс но сётъяны вуизы. Пумиськонзы пайдаё но тунсыко пӧрмиз. Егитъёслы вашкала выжыоссы сярысь выль тодон-валанъёс сётӥз.

Фото: Малокачаковский СК