Вормон Нуналлы сӥзьыса

Гуртъёсын буре ваён ужрадъёс 8-тӥ куартолэзе луизы. Быдӟым Атыкай ожын вормонлы 81 ар тырмонлы сӥзем ужрад Татышлы ёросысь Арибашын но паськыт ортчиз.
«Мы помним, мы гордимся» митинге бадӟымъёс но, пичиос но пыриськизы. Школаын дышетскисьёс гуртысь обелиск доры вамыштӥзы ож сярысь кырӟанъёсты быдэстыса. Ужрадын котькин Быдӟым Атыкай ожын быремъёсты тодаз ваиз. Соослэн нимъёссы уз вунэ, подвигъёссы калык пӧлын улоз. Песятай-ӵужатайёлэсь сюрессэс туннэ данъяськымон азинто нимысьтыз военной операцие пыриськисьёс. Соос, шаермы сярысь сюлмаськыса, тушмон азе кышкатэк вамышто.
Арибашын ортчем митинг улсын нимысьтыз военной операциын бырыны шедемъёслы - Александр Рисиянович Мухитдиновлы, Альфат Равилович Сахаутдиновлы, Михаил Александрович Анухинлы - мемориал пулъёс усьтӥзы. Ужрадэ Татышлы ёрос администрациен кивалтӥсь Денис Султанов пыриськиз. Геройёслэн анайёссылы, матысьёссылы со пумтэм тау кылъёс вераз.
Митингез концерт азьланьтӥз. Со сяна, арибашъёс та нуналэ солдат ӝукен кунояськизы. Сое Михаил Логуновлэн кивалтэмез улсын гуртысь инициативной группа дасяз.

Фото: Арибашевская Сельская-Библиотека