+14 °С
Облачно
Общество
8 Мая , 17:30
Удмурт гуртын Быдӟым Атыкай ожысь ожгарчиослы сӥзем обелискез усьтӥзы
Быдӟым Атыкай ожын Вормонлэн нуналэз азьын Калтасы ёросысь Чиндэр гуртын странамылэн историысьтыз тужгес но кышкыт ожын быремъёслы сӥзем обелискез усьтӥзы. «Наше село» программа улсын улонэ пыӵам проект гурт калыклэсь шудо улонмы понна улонзэс сётэм ожгарчиосты силы каремзэс возьматӥз.
Удмурт гуртын Быдӟым Атыкай ожысь ожгарчиослы сӥзем обелискез усьтӥзы
Та нуналэ обелискез усьтон ужрадэ гуртоос гинэ ӧвӧл, ёросысь куноос но вуизы. Озьы Калтасы ёрос администрациен кивалтӥсь С.В. Цедилкин гурт калыклы тау карон кылъёссэ вераз. Угось гуртоослэн юрттэменызы бадӟым ужез быдэстыны пӧрмиз.
Озьы ик люкаськем калыкез вуоно праздникен ӟечкылазы ёросысь СВО-ысь ветеранъёслэн ассоциациенызы кивалтӥсьсылэн воштӥсез Василий Иванов, Башкортостан Республикаысь Морской собранилэн Калтасы ёросъя филиалэзлэн тӧроез Геннадий Хайдаршин.
Со сяна, та нуналэ обелиск тупатон ужез быдэстон бордын мылысь-кыдысь тыршисьёсты Калтасы ёрос администрацилэн Тау карон гожтэтъёсыныз пусйизы.
Быдӟым Атыкай ожын быремъёслы сӥзем обелискез усьтон ужрад сярысь тросгес лыдӟыны быгатоды газетмылэн вуоно номерысьтыз.
Фото: газета «Калтасинская Заря»