Гуртын чылкыт, шулдыр луиз

Янаул ёросысь Максим гуртын улӥсьёс, дорысьтызы ужъёссэс огдырлы вунэтыса, субботникъёсы потало. Нырысь соос выль памятник вӧзын ужазы. Мукет нуналын жуг-жаг бичаны потӥзы: Родниковая но Д. Кашапов нимо ульчаос куспысь трос "узырлык" бичазы, собере "Сюрприз" нылпиослы шудон площадка вӧзысь кенерез буязы. Субботнике потӥзы гурт поселенилэн администрацияз ужасьёс, культура юртын, библиотекаын тыршисьёс но мылкыд карисьёс. Ужъёсты радъян, соослэсь быдэстӥськемзэс эскериз гуртысь староста Дамир Кашапов.

- Субботнике пыриськисьёслы ваньзылы пумтэм тау кылъёс вераськом. Бадӟым тау Дамир Салиховичлы. Ӵошен кариськыса быдэстэм уж шумпотымон луэ, - пусъё интыысь аскивалтэтын.

Фото: Максимовский сельсовет МР Янаульский район РБ