+31 °С
Облачно
Общество
3 Мая , 18:30
Сюрес вылын астэ шонер возьыны кулэ
Куартолэзь шутэтскон нуналъёслы узыр. Яркыт шунды нылпиосты кыре шудыны ӧте. Озьы соос вакытсэс пайдаен ортчыто, тазалыксэс но кыдато.
Сюрес вылын астэ шонер возьыны кулэ
Со вакытэ ик пиналъёс понна сюлэм кышка. Угось берло дыре городъёсын гинэ ӧвӧл, гуртъёсын но автотранспортлэн лыдэс йылэ. Соин школаосын нылпиосты сюрес вылын астэ тодыса но валаса возёнлы бадӟым саклык висъяське. Праздникъёс азьын дышетскисьёсын та темая одно ик нимысьтыз вераськонъёс ортчо.
Кылсярысь, Янаул ёросысь Вуж Вараш школаын классэн кивалтӥсьёс нылпиосын велосипедэн, самокатэн шонер ветлон сярысь вераськизы. Озьы ик пиналъёс сюрес вылысь знакъёсты тодазы ваизы. Угось сюрес вылын астэ шонер возьыны тодыса гинэ, кышкытлыкъёслэсь утиськыны быгатод.
Фото: МБОУ СОШ с. Старый Варяш