Янаул ёросысь Шудекысь "Италмас" нылпи садын "Выжыосын тодматскон" ужрад ортчиз

Ӵыжы-выжыослы сӥзем ужрад нылпи садын арлы быдэ радъяське но со зэмос эшъяськон праздниклы пӧрме. Туэ асьсэ выжы писпуосынызы тодматӥзы Ксения Шараевалэн, Эмилия но Данил Тимиряевъёслэн, Мирослав Галяутдиновлэн семьяоссы. Котькуд семья ӵыжы-выжыоссы но соослэн вормонъёссы, семьяын утиськись сям-йылолъёссы сярысь пыр-поч веразы. Со сяна, та нуналэ празднике пыриськисьёс задор удмурт кырӟанъёсын, пӧртэм калыкъёслэн кылынызы гожтэм кылбуръёсын шулдыртӥзы.

Фото: МБДОУ ДС "Италмас" с.Шудек