+22 °С
Зоръёслэн
Общество
29 апрель , 17:35
Нигиевъёс фестивальысь вормонэн бертӥзы
25-тӥ оштолэзе Ижевскын семьяослэн фестивальзы ортчиз. Туэ со Россиысь калыкъёслэн огъя луон арзы улсын 13-тӥ ползэ радъяськиз.
Нигиевъёс фестивальысь вормонэн бертӥзы
Бадӟым ужрадэ Янаул ёросысь Вуж Варашысь Эльза но Радик Нигиевъёлэн семьязы но пыриськиз. Соос кык нылъёсынызы но нырысетӥ классын дышетскись нунокенызы семьязылэсь вань быгатонлыкъёссэ паськыт возьматӥзы. Озьы Нигиевъёс кырӟанъёсынызы, эктынъёсынызы но крезьгур инструментъёсын шудэменызы люкаськем калыкез паймытӥзы. Нош Башкортостанысь вуэм куноослэн йӧскалык костюмъёссылы синмаськытэк кылисез ӧз луы, дыр.
Нигиевъёслэн фестивале пыриськемзы юнме ӧз луы, ужрадысь соос кыкетӥ степенё Лауреат луыса бертӥзы.
Фото: МАУК МКДЦ Староваряшский сельский Дом Культуры
