Радий Хабиров С. Юлаевлэсь памятниксэ выльдонэн герӟаськем ужъёсын тодматскиз

Та вакытэ со Черниковкаысь промзоналэн одӥгаз ангараз утиське. Радий Хабиров отын кенешон ортчытӥз. Реставрационной группаен кивалтӥсьлэн Андрей Кудрявцевлэн кылъёсызъя, ӧнерчиос скульптураез буёлэзлэсь тазатӥзы. Собере тодмо луиз, скульптураез тупатон бордын трос ужано шуыса. «Ваньмы тодӥськом, скульптура чугунлэсь лэсьтэмын шуыса. 1967-тӥ арын пуктэм памятник шӧдскымон быремын», - вера Андрей Кудрявцев. Озьы ке но, Радий Хабировлэн кылъёсызъя, скульптураез тупатыса интыяз пуктыны тыршозы.