"Библионочь" калыкез люка

Арлы быдэ книгаосты гажасьёс но лыдӟиськыны яратӥсьёс «Библионочь» Быдэсросси акцие пырисько. Туэ со Россиысь калыкъёслэн огъя луон арзылы сӥземын вал.

«Библионочь» акция бадӟым городъёсты но, пичи гуртъёсты но огинэ карыны быгатэ. Аспӧртэм акция 15 ар ӵоже шаерысьтымы 1000-лэсь трос библиотекаосты люказ.

Удмурт гуртъёсысь библиотекаос но акциез мултэс уг каро. Кылсярысь, Янаул ёросысь Вуж Варашысь калык таӵе ужрадъёсы мылысь-кыдысь пыриське. Туэ Вуж Вараш гуртысь модельной библиотекаын ужась Эльвира Фаткуллина «Библионочь» акцие люкаськемъёсты Россиысь калыкъёслэн сиён-юонъёсыныз тодматӥз. Со сяна, ужрадэ гуртысьтызы «Югдон» калык ансамбль но пыриськиз. Соос пумиськон ӝытэз эшшо но шулдыргес но яркытгес карыны юрттӥзы.

Фото: Староваряшская сельская модельная библиотека