Аскивалтэт удысысь учкымон ужасьёсты пусйизы

Та нуналэ аскивалтэт удысын ужасьёс, депутатъёс, старостаос одӥг бадӟым залэ люкаськизы. Кылем арлы йылпумъянъёс лэсьтыса, та ӧрысь тужгес но учкымон ужасьёсты пусйизы. Озьы вить гуртъёслэсь сылӥсь гурт поселениос пӧлын Шудекысь аскивалтэтлэн ужез вылӥ дунъямын луиз. Соос Янаул ёрос администрациен кивалтӥсьлэн С.Н. Гильмиевлэн киысьтыз нырысетӥ степенё Диплом басьтӥзы.

Ужрадэ люкаськемъёслы культура, аскивалтэт удысын ужасьёс бадӟым концерт программа дасязы. Яркытэсь, чебересь кырӟанъёсын но эктонъёсын номеръёс нуналлы аспортэм шӧм пыртӥзы но капчи мылкыд кузьмазы.

Фото: АСП Шудекский сельсовет МР Янаульский район РБ