+5 °С
Облачно
Общество
17 Апреля , 14:23
Уфаысь нылкышно 956 сюрс тыр коньдонзэ ыштӥз
47 аресъем кышномурт одӥг толэзь ӵоже, мошенникъёслы оскыса но коньдонзэ утьыны тыршыса, аръёсын люкам уксёзэ одӥг счётысь мукет счётэ тыриз. Нош кышкытлыклэсь утиськон интые нылкышно коньдонтэк кылиз.
Уфаысь нылкышно 956 сюрс тыр коньдонзэ ыштӥз
Сое «Госуслуги» порталысь но Росси Федерацилэн Центральной банкысьтыз «ӧнерчиос» аккаунтсэ талаллям шуыса оскытӥзы. Пӧяськисьёс котькуд нунал кышномуртэн телефон пыр вераськизы. Соку но мошенникъёслэн куриказы шедем адями кышкыт югдуре шедемзэ ӧз вала.
Киберпреступностен нюръяськисьёс котькуд нунал калык пӧлын вераськон ужъёс нуо ке но, мошенникъёслэн куриказы шедисез уг быры. Регионысь МВД-лэн верамезъя, кун огазеяськонъёсын но банкъёсын ужасьёс аккаунтэз утьыны но коньдонэз мукет пала поттыны курыса уг жингырто. Сыӵе дыръя тодмотэм номеръёсысь жингыртӥсьёсын вераськонэз дугдытыны кулэ.
Новости партнеров
