Нылпиос калыкъёслэн лулчеберетэнызы матысьгес тодматскизы

Калтасы ёросысь Бадӟым Качак гуртысь нылпи садэ ветлӥсь пичильтокъёс но та нуналэз пусйизы. Гуртысьтызы культура юртысь культорганизаторлэн И.В. Тимирхановалэн но визьнодасьсылэн О.И. Камалитдиновалэн тыршеменызы пиналъёс республикаын улӥсь калыкъёслэн сям-йылолъёсынызы но лулчеберетэнызы мур тодматскизы. Со сяна, нылпи садэ ветлӥсьёс калыкъёслэсь костюмъёссэс дӥсяса шулдыр шудон программае пыриськизы. Конкурсъёс пыр пиналъёс республикаын улӥсьёслэн узыр дуннеенызы эшшо но матысьгес луизы.