Гурт калыкез автоклуб шулдыртӥз

 Нош та нуналэ югдур пӧртэмгес луиз: концерт учкыны петропавловкаос доры калмияръёс но потӥзы.

Концертын ёросысь пӧртэм калыкъёслэн лулчеберетсы огазе пӧлэсьтӥськиз. Сцена вылысен пӧртэм кырӟан но эктон гуръёс чузъяськизы. Кылсярысь, удмуртъёслэсь лулчеберетсэс Калмиярысь  культура юрт бордысь «Инвожо», «Италмас», «Соловушки» ансамбльёс, Вылысь Татышлыысь Яна Шарафутдинова, Выль Татышлыысь Марина Низамова возьматӥзы, ӟучсэ – «Забава» ансамбль, башкирзэ – «Умырзая» фольклор ансамбль, бигерзэ -  Камиль Зиятдинов, Светлана Нурлыгаянова, Рафиль Фаррахов но Газинур Халимов.

Учкисьёс котькудзэ ансамблез, кырӟасез но эктӥсез кужмо кичабонъёсын келязы.