Башкир кылын диктант гожтӥзы

Башкортостанын анай кылъёсты утёнлы но азинтонлы бадӟым саклык висъяське.  Со понна нимысьтыз кун программа кылдытэмын, грантъёсын юрттэт возьматӥське, пӧртэм акциос но диктантъёс луо. Проектъёс пӧлын бадӟым саклык висъяське «Диктант по башкирскому языку» калыккуспо акцилы. Со Башкортостан Республикалэн тӧроезлэн Радий Хабировлэн юрттэтэзъя радъяське. Регионэн кивалтӥсь башкир кылъя но литературая дышетӥсьёслэн съездазы сое валтӥсь проектэн лыдъямез сярысь вераз. Башкир кылъя диктантэз арлы быдэ 400 сюрслэсь трос адями гожтэ.

Туэ, Башкортостан Республикалэн тӧроезлэн Радий Хабировлэн ивортэмезъя, диктант Россиысь калыкъёслэн огъя луон арзылы но республикаын ялэм Бадӟым но эшлыко семьялэн арезлы сӥземын вал. 

Туспуктэм: Администрация Татышлинского района