Удмурт нылкышно литературалэн азинскемез сярысь вераськизы

Туэ со дас витетӥ ползэ радъяськиз. Со сярысь «Удмурт Кенеш» но «Удмурт нылкышно кенеш» огазеяськонъёс сюлмаськизы.
Ужрадэ трос калык люкаськиз. Соос пӧлын Башкортостанысь Татышлы но Янаул ёросъёсысь куноос но луизы. Пумиськонын удмурт нылкышно литературалэн азинскемез но мукет ужпумъёс сярысь вераськизы. «Котькуд ужрад бордысь ас поннад трос выльзэ басьтӥськод, - вера Янаулысь библиотекаын ужась Валентина Байтимирова.- Шумпотӥсько, таӵе  конференцие вуылыны быгатӥ шуыса. Со милемлы удмурт калыкен ужаны бадӟым юрттэт луоз».