Ансамбльёс дано нимъёссэс утизы

Соос пӧлысь тросэз удмурт гуртъёсысь луо. Калыкын, кылсярысь, кемалась тодо Выль Татышлыысь «Шулдыр ӝыт», Вязовкаысь «Уӵы ныл», Кызыл-Ярысь «Марӟан» калык ансамбльёсты. Берло соос борды ватсаськизы Улысь Балтачысь «Ӧрӟи», «Палэзь» ансамбльёс. Улысь Балтачысь пуньыен шудӥсь пиналъёслэн «Русский сувенир» ансамбльзы, Выль Татышлыысь ӟуч калык интструментъёсъя образцовой ансамбль но трос учкисьёсты паймыто.

Та нуналъёсы соос ваньзы «Соцветие дружбы» фестивале пыриськизы но дано нимъёссэс утизы.