Быдӟымналэз ӵошен пусйизы

Гурт калык куноосты туж шуныт пумитаз. Культура юрт азе узыр ӝӧк дасямын вал. Лыктэм куноосты татын ческыт пыжиськемъёсын, самоварын быректэм пӧсь чаен, курегпузэн но тыл вылын пӧзем ӝукен куноязы. Котырак эшъяськон мылкыд шӧдӥськиз. Куазь шундыё ке но ӧй вал, пальпотӥсь ымныръёс, шудекъёслэн задор мылкыдзы котькинэ шунтӥзы.

Куноосты пумитаса, ужрадэ лыктэмъёсты йылол праздникен ӟечкыласа вераськизы Шудек гурт поселениен кивалтӥсь Сергей Байдуллин, БР-ысь удмуртъёслэн НКЦ-зылэн Янаул ёросысь филиалэныз кивалтӥсь Юрис Саитов, НКЦ-лэн Кенешезлэн ёзчиез Рустам Галямшин. Соос ваньзылы шудо-буро улон, шумпотонъёс но вормонъёс сӥзизы.

- Бадӟым тау ваньдылы, ужрадэз ортчытыны юрттэмды понна. Ӵошен кариськыса гинэ бадӟымез ужъёсты быдэстыны луэ. Нимысьтыз тау кылъёс верасько Айгуль Ахматгараевалы, Валерий Яппаровлы, Сергей Байтимировлы, - вераз Сергей Николаевич.

(Быдэсак лыдӟе газетысь).