Нылъёс волейболэн шудӥзы

Россиысь калыкъёслэн огкылысь луон арзылы сӥзем спорт ужрадэ 2013-тӥ арын но со бере вордӥськем нылъёс пыриськизы. Ӵошатсконын Пермь шаерысь Чернушкаысь, Бадӟым Гондырысь, Башкортостан Республикаысь Вуж Балтачысь, Вуж Казанчиысь но Татышлы ёросысь командаос кужымзэс мертазы. Нылъёслэн шудонзы чебер но тунсыко пӧрмиз. Соос котькуд туп понна нюръяськизы но командаын усто шудыны быгатэмзэс возьматӥзы. Таиз турнирын Татышлы ёросысь командалы вормон пальпотӥз  (Уразгильды но Выль Татышлы школаын дышетскись нылъёс шудӥзы). Кыкетӥ интыын луизы вуж балталтачъёс, куинетӥ интыын – Бадӟым Гондырысь команда.

Турнирын тужгес усто шудӥсьёсын лыдъямын И. Хамидуллина, В. Монжерина (Татышлы ёрос), Р. Хусаинова (Вуж Балтач), М. Пичкалева (Чернушка), Ф. Хасанова (Вуж Казанчи), Е. Зарипзянова (Бадӟым Гондыр).  

Фото: Детско-юношеская спортивная школа с.В.Татышлы