Гуртъёсын удмурт сям-йылолъёс возисько

Зэмос удмурт сям-йылолъёс гуртъёсын туннэ нуналэ но асьсэ сярысьтызы яркыт верало. Удмурт гуртъёсын Быдӟымнал нылпи куараосын шулдыр луэ. Пиналъёс вазь ӵукнаысен лымшорозь, коркаысь коркае пырыса,  курегпуз бичало. Берло «ваньбуренызы» лымы улысь потэм гуждоре курегпуз питыратыса шудыны пото. Бадӟымъёс но та нуналэ шутэтско, соин куддыр анай-атайёс но нылпиоссы сьӧры «шудыны курисько». Арлыдоослы кылем гуртъёс та нуналэ песяй-песятайёссы доры вуэм нылпиослэн куараосынызы выль улонэн шокало. Озьы вашкала дырысен туннэ нуналозь но гуртъёсын возиське зэмос  удмурт Бадӟымнал.

Фото вылын Калтасы ёросысь Бадӟым Туганеевоын нылпиос курегпуз бичало.