Йӧскалык политикаен герӟаськем ужпумъёсъя семинар-практикум ортчиз

Ужрадэз Башкортостан Республикаысь Культурая министерство но Калыкъёслэн эшъяськон юртсы радъязы. Семинар пленарной люкетэн усьтӥськиз. Сое культурая министрлэн воштӥсез Наталья Лапшина нуиз.Семинар-практикуме пыриськисьёслы вазиськиз культурая министрлэсь ужзэ быдэсъясь Ф. Р. Шайхисламов. «Республикаын 100-лэсь трос пӧртэм калык улэ. Соослэсь огкылысь луэмзэс утьыны быгатон понна трос кужыммес сётоно», - шуиз со. Семинар-практикумлэн кыкетӥ люкетэз стратегической сессия выллем радъяськиз.Отчы Башкортостан Республикаысь удмуртъёслэн национально-культурной центренызы кивалтӥсь Л. Л. Зидымаков, удмуртъёслэн историяя но культурая центрысьтызы валтӥсь ӧнерчи Ксения Милиятова пыриськизы.