Татышлы ёросысь Выль Татышлыын "Формула успеха" полилингвальной фестиваль ортчиз

Туэ таӵе ужрад дасэтӥ ползэ радъяськиз но отчы Башкортостанысь дас полилингвальной школаосын кивалтӥсьёс, соослэн воштӥсьёссы, дышетӥсьёс пыриськизы. Со сяна, фестивале БР-ысь Дышетонъя министерствоысь ӧнерчиос, М. Акмулла нимо БГПУ-ысь,  УУНиТ-ысь но Удмурт Элькунысь Ижевск городысь Кузебай Герд нимо гимназиысь дышетӥсьёс вуизы. 

Форум пленарной люкетэн усьтӥськиз. Отын республикаысь пиналъёсты трос кылъёслы дышетон, соосты книгаосын тырмытон сярысь вераськизы. Со сяна, бадӟым саклык висъяськиз школаосын ужаны дышетӥсьёсты дасянлы. Нош кыкетӥ нуналаз Выль Татышлы школаын усьтэм урокъёс, мастер-классъёс радъяськизы. Фестиваль Башкортостанысь удмуртъёслэн лулчеберетсыя центразы йылпумъяськиз. 

(Пыр-почгес газетмылэн вуоно номерысьтызы лыдӟоды).   

Туспуктэмъёсыз Алексей САМИРЗЯНОВЛЭН.