Субботнике трос калык потӥз

Ӵукна дас часыен котькуд организациын лымы пазян ужъёс кутскизы. Ми но, информцентрын ужасьёс, палэнэ ӧм кыле. Вераны кулэ, Башкортостанын субботникъёс 24-тӥ южтолэзьысен мыно. Лымы бырем интыосын жуг-жаг окто ке, уйпал ёросъёсын улӥсьёс лымыен "нюръясько".
- Туэ субботникъёсты ялэм дырысен отчы 108 сюрс адями, 20 сюрслэсь трос предприятиос но организациос пыриськизы. 1747 техника та уже потӥз. Огъя 6,3 сюрс кубометр жуг-жаг октэмын, - вера регионысь ЖКХ-я министр Ирина Голованова.
Башкортостанын экологической субботникъёс 10-тӥ куартолэзёзь радъяськозы.