Лымы шуна, шуръёс ӧрысьтызы пото

Шуныт шунды сиос улын лымы шуна, шуръёсысь, тыметъёсысь йӧ вулы пӧрме. Шуръёс ӧрысьтызы потыса, вӧлскыны быгато. Соин та вакытэ туж сак кариськоно. Бадӟым тудву кышкытлык медаз кылдыты шуыса, огъя куронъёсты лыдэ басьтоно.

Юрт котырысь лымыез мычоно, ву кошкон интыос гудоно. Ведраос, лопатаос ки улын мед луозы. Гуэ интям сиён-юонъёсты поттоно. Улон коркаос ву улэ кыльыны быгато ке, шуныт дӥськут, кӧня ке нуналлы сиён, эмъюмъёс дасян сярысь но сюлмаськоно. Документъёсты но мукет дуно арбериосты ву йӧтымтэ интые, кылсярысь, корка сиге яке вылӥ этаже, интыяса умой луоз. МЧС-ын иворто, тудвуэн сэрен секыт югдуре шедиды ке, 112 номеро телефонъя вазиськоно шуыса.